Кумамотодо болгон кырсыктан кийин жапондорго болгон мамилем

133Мен күн чыгыш өлкөсү болгон Жапон жергесинде жашап жүргөнүмө мына төрт жарым жылдан ашып баратат. Бул жакка келгенге чейин эле жапондордун жагымдуу кулк мүнөздөрү жөнүндө аздыр көптүр маалыматым бар, өзгөчө алардын сылыктык жана токтоолук, сабырдуулук мүнөздөрү мени өздөрүнө тарткан. Өзгөчө кичи пейилдиктери, бирөөнүн буюмуна же ишине кийлигишпегендиктери башка жакшы сапаттарына дагы көрк кошуп, жапондорго болгон сый мамиленди дагы да жогорулатат.

Жакында эле болуп откон табигый кырсык мен үчүн күтүлбөгөн, жашоомдо көрбөгөн чоң окуя болду. Чын айтышым керек, бир аз паникага алдырдым, стресс да болдум.

Жер титирөө токтосо деле мага титиреп аткандай сезилип, катуу чочуп калгангабы түшүмө чейин кирип атты.

IMG_5063

Кырсыктан кийнки күн. Менин бөлмөм

Бирок бул коркунуч, тынчсыздануу же стресс өңдүү сезимдерге, эмоцияларга көп алдырбай, өзүмдү колго алышыма албетте биринчи кезекте Аллах Таалага болгон ишенимим, намаздарым түздөн түз таасир берсе, экинчиден жапондордун токтоо мамилерери, паникага алдырбай бардыгын акырындык, кылдаттык менен чечкендери туртку болду окшойт.

IMG_5191

Жер титирегенине карабастан иш кадимкидей эле жүрдү

Ата энем менен сүйлөшкөндө да айтып берип бүтө албайм, башында үйдөгүлөр бардыгын жыйыштырып Кыргызстанга кел деп аябай кыжаалат болушту, бирок бадрык фактыларды, жапондордун мамилерерин, бул жактагы жакшырып аткан абалды айтып түшүндүргөн соң макул, жумушуңду бүтүрүп алып кел деп калышты.

Мен Кыргызстанда эки революцияга (2005-ж, жана 2010-ж) күбө болдум, шаардагы чар жайыт, таштандылар, морадерлордун кылгандары дагы да көз алдымда….. Бул жакта мени таң калтырган нерселер абдан көп болду….

IMG_5056

Кичи пейилдиктери

Жер титирөө күтүүсүз болду, чочугандыктан бардыгыбыз университетке жөнөдүк. Ал жакта ачык спорт талаасында тан атырдык, чет өлкөлүктөр абдан көппүз, бир топ болуп топтолуп туруп калдык. Шашкандыктан үйдөн эч нерсе көтөрүп чыккан жокпуз, жонубузда да жука кийимдер менен. Бирок, тез арада жапондор жерге калын жылтырактарды төшөй калышып бизди отургузушту. Анан жондорубузга жаап отургула деп одеалдарды беришип, өздөрү жука жеңил кийингендерине карабастан бизге, чет өлкөлүктөргө жана кары картаң, балалуу жапондорго жардам берип атышты. Бул бизге кадимкидей кофморт берип, коркунучтарды бир аз болсо да алыстаткандай болду.

IMG_5057

Кезекке тургандары, сабырдуулуктары

Андан кийин спорт залдын ичинде тамак аш, жатакана менен камсыздашты. Дагы таң калганым, ушундай кырдаалга карабастан адамдар тамакка (кичинекей эле күрүч жана суу) кадимкидей кезекке туруп, бир да кайым айтышуу же талашуу байкалган жок. Спорт залдын ичинде бирден эле (аялдар жана эркектер үчүн) даараткана бар экен, ал жерде да талашпай узун болуп кезекке турушуп, тартипти сакташты.

Тазалыктын сакталгандыгы

Кыйын абалда дагы жапондор тазалыкты сактап, ал тургай таштандыларды сорттоп да атышты. Ар бир таштанды кагаз, пластик, бөтөлкө жана күйө турган таштанды деп өзүнчө болунуп ар бири өзүнүн ордунда. Көчөдө да бир да таштанды көргөн жокмун, үйлөрүндө ураган, сынган буюмдарын же эмеректерин да тыкан кылып ороп же байлап таштанды коюлчу жерлерге тизип коюшкан.

IMG_5186

Көчөдө да бир да таштанды көргөн жокмун

Жашоого нааразылыгын билгизбеген мүнөздөрү

Жер титирөө болгондон бери көп жапондор менен сүйлөштүм, биринен дагы кайгылуу жүз, наалыган сөз же таарыныч көргөн да, уккан да жокмун. Унчукпай гана ураган нерселерин тазалап, башкаларга да көмөк көрсөтүп жашоолорун кадимкидей эле улантып атышат.

Кыскасы, менин жапондорго болгон таң калуум, сыйым жана жакшы көрүүм мурда кандай болсо бул табигый кырсыктан кийинки көрүнүштөр аларга болгон сыйымды мурдагыдан да арттырып, таң калуума дагы бышыктоолорду киргизди. Жаратканымдан Дүйно жүзүндө тынчтык болсун деп тиленемин, кандай кырдаал, кыйынчылык болсо да адамдык жакшы сапаттарыбызды сактай билели.

 

You may also like...

Добавить комментарий

Ваш e-mail не будет опубликован. Обязательные поля помечены *

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>